ЭШИТИШ ҚОБИЛИЯТИ ПАСАЙГАН БОЛАЛАРДА КЛИНИК-ФЕНОТИПИК ВА ГЕНЕТИК ХУСУСИЯТЛАРНИНГ ДИАГНОСТИК АҲАМИЯТИ

Abstract

Эшитиш қобилияти пасайиши болаларда энг кўп учрайдиган сенсор бузилишлардан бири бўлиб, нутқ, когнитив ривожланиш, ижтимоий мослашув ва ҳаёт сифатига жиддий салбий таъсир кўрсатади. Эшитиш қобилиятининг туғма ва эрта орттирилган пасайиши кўп ҳолларда генетик омиллар билан боғлиқ бўлиб, клиник-фенотипик намоён бўлиш даражаси турлича кечади. Шу сабабли эшитиш қобилияти пасайган болаларда клиник-фенотипик хусусиятларни баҳолаш, ирсий омилларни эрта аниқлаш ва уларнинг диагностик аҳамиятини асослаш замонавий педиатрия, оториноларингология ва тиббий генетиканинг муҳим муаммоларидан бири ҳисобланади.