МЕХАНИК САРИҚЛИКДА ЎТ ЙЎЛЛАРИНИ ДРЕНАЖЛАШ УЧУН МИНИИНВАЗИВ ТЕХНОЛОГИЯ ТАНЛАШГА ДИФФЕРЕНЦИАЛ ЁНДАШУВ

Abstract

Ўсма генезли механик сариқлик гепатопанкреатодуоденал соҳа онкологиясининг энг оғир ва прогностик жиҳатдан ноқулай асоратларидан бири бўлиб қолмоқда; бундай беморларда леталлик 10–35% ни ташкил этади. Ўт йўлларини дренажлашнинг эндоскопик, чрескож ва комбинацияланган миниинвазив усуллари ривожланганига қарамай, муайян клиник вазиятда оптимал усулни танлашнинг ягона алгоритми ҳозиргача ишлаб чиқилмаган. Шу боис ўсма блокининг даражаси, касаллик босқичи ва беморнинг кутилаётган ҳаёт давомийлигини ҳисобга олган дифференциал ёндашувни асослаш долзарб аҳамиятга эга.