SOG‘LOM TUSHUNCHASINING ETIMOLOGIYASI VA UNING FALSAFIY MAZMUNI

Abstract

Zamonaviy jamiyatda “sog‘lom” va “sog‘lom turmush tarzi” tushunchalari keng qo‘llanilayotgan, ammo mazmunan ko‘pincha tor talqin qilinayotgan kategoriyalardan biridir. Aksariyat hollarda sog‘lomlik faqat tibbiy-biologik holat, ya’ni kasallikning yo‘qligi yoki jismoniy me’yorlarga moslik sifatida tushuniladi. Biroq falsafiy va ijtimoiy tahlil shuni ko‘rsatadiki, “sog‘lom” tushunchasi ancha chuqur etimologik ildizlarga ega bo‘lib, u insonning jismoniy, ruhiy, ma’naviy va ijtimoiy yaxlitligini ifodalaydi.